Robot i cili ka qejf të përkëdhelet

Shkencëtarët nga universiteti i Bristolit kanë shpikur një lodër të re elektronike të programuar që të reagoj në mënyrë emocionale në zëra dhe prekje nga ambienti që e rrethon.

Heart Robot, siç është emëruar lodra, qartazi relaksohet në prekje të buta dhe zëra të qetë, por kur ‘regjistron’ zhurmë dhe lëvizje të rrepta, pulsi i rritet shpejt dhe fillon të gjuaj me shqelma.

"Heart Robot duket si një kombinim në mes të jashtëtokësorit nga filmi ET dhe Gollumit (nga filmi Mbreti i Unazave), derisa ka madhësi të një fëmije të vogël. Fëmijët reagojnë ndryshe në të. Ose dëshirojnë ta përqafojnë dhe lëmojnë apo e ruajnë si të jetë një foshnje, e disa tentojnë ta frikësojnë", ka thënë Holly Cave e cila ka ndihmuar në promovimin e kësaj lodre.

Shkencëtarët të cilët e kanë shpikur theksojnë që qëllimi i tyre ka qenë të vërtetojnë çfarë ndodhë në rast të ndërveprimit emocional në mes të makinave dhe qenieve njerëzore.

"Ai është gjysmë robot, e gjysmë lodër. Mund ta merrni rreth e rrotull, por ka reagime ‘të lindura’ në të cilat përgjigjet", sqaron Holly.