KumtesË PËr Opinion E Klubit TË KaratesË "ulqini"

Ulqini" respekton ftesën - merr pjesë me 60 garues

Të shtunën, më 31 maj 2008, në Ulqin u mbajt Kupa e I Internacionale e Karatesë "Champion Cup 2008", e organizuar nga Klubi i Karatesë "Champion", në të cilën Klubi i Karatesë "Ulqini" mori pjesë me 60 garues, duke respektuar ftesën e bërë.
Edhe pse KK "Champion" në garën tonë "Ulqini Open 2008", të mbajtur me rastin e Ditës së Ulqinit, më 5 prill të këtij viti, mori pjesë vetëm me dy garues, ne si udhëheqësi sollëm vendim që në garën e tyre të marrim pjesë me 60 garues, me të cilin respektuam ftesën, qytetin tonë në të cilin u mbajt kjo garë, prindërit e garuesve tanë dhe të gjithë bashkëqytetarët.
Klubi "Champion" në çdo garë tjetër merr pjesë me 40-50 garues dhe çdo rezultat e publikon në media, por rezultatin e dy garuesve që morën medalje të arta në garën "Ulqini Open 2008" nuk e publikuan fare, me qëllim apo pa qëllim. Kjo sjellje e pakuptimtë dhe përpjekjet e tyre të vazhdueshme për përçarje nuk janë as në të mirën e sportit e as në të mirën e të rinjve tanë.
Ne si udhëheqësi kërkojmë nga udhëheqësia e këtij klubi që në të ardhmen t`i mendojnë mirë veprimet që bëjnë dhe mos të inicojnë veprime që çojnë vetëm kah e keqja, kah përçarja e urrejtja. Sportistët duhen të jenë shembull i sjelljes së mirë, kulturës dhe disiplinës, e sidomos energjisë pozitive.
Në këtë garë Klubi i Karatesë "Ulqini" arriti të rrëmbejë mbi 100 medalje dhe 18 kupa në konkurrencën individuale dhe ekipore dhe u rendit në vendin e tretë duke grumbulluar 234 pikë. Në vend të dytë u renditën dy klubet e karatesë "Albulena" dhe "Champion", të cilët morën pjesë së bashku dhe të dy bashkë mblodhën 256 pikë, ndërsa vendi i parë i takoi KK "Buduqnost" me 274 pikë.
Udhëheqësia e KK "Ulqini" është më se e kënaqur me rezultatet e arritura në këtë garë.
Në këtë Kupë morën pjesë 26 klube me rreth 500 garues.