TË ShtunËn NË Ulqin U Mbajt Turneu I ParË NdËrkombËtar NË Karate "champion Cup 2008"

Një spektakël i nivelit evropian

Në Turne morën pjesë 26 klube me mbi 500 garues nga Mali i Zi, Shqipëria, Kosova, Serbia, Bosna dhe Hercegovina, Kroacia dhe Maqedonia. Vendin e parë në renditjen e përgjithshme sa i përket klubeve e fitoi KK "Buduqnost" nga Podgorica, vendin e dytë klubet vendase "Albulena" dhe "Champion", të cilët morën pjesë së bashku në këtë garë, dhe vendin e tretë po klubit vendas "Ulqini". Ndërsa në garat e përfaqësueseve, vendi i parë i takoi përfaqësueses së Bosnjes e Hercegovinës 1, vendi i dytë Malit të Zi dhe vendi i tretë Shqipërisë 1.
Në organizim të Federatës së Karatesë së Malit të Zi dhe Klubit të Karatesë "Champion", të shtunën në Ulqin u mbajt Turneu I Ndërkombëtar në Karate "Champion Cup 2008". Në të morën pjesë 26 klube me mbi 500 garues nga Mali i Zi, Shqipëria, Kosova, Serbia, Bosnja e Hercegovina, Kroacia dhe Maqedonia.
Vendin e parë në renditjen e përgjithshme sa i përket klubeve e fitoi KK "Buduqnost" nga Podgorica, vendin e dytë klubet vendase "Albulena" dhe "Champion", të cilët morën pjesë së bashku në këtë garë, dhe vendin e tretë po klubit vendas "Ulqini". Përveç kupave dhe medaljeve, KK "Buduqnost" i takoi shpërblimi prej 500 euro, KK "Albulena" dhe "Champion" 300 euro, ndërsa KK "Ulqini" 150 euro".
Garuesi më i mirë i Turneut u shpall Mijat Vojvodiq, ndërsa garuesja më e mirë Dijana Vujosheviq, të dy nga KK "Buduqnost", të cilët u shpërblyen me kupa dhe me nga 200 euro.
Në pjesën e dytë të Turneut u zhvilluan garat ndërmjet përfaqësueseve shtetërore. Në të morën pjesë përfaqësueset e Malit të Zi, Shqipëria 1 dhe Shqipëria 2 si dhe Bosnja e Hercegovina 1 dhe Bosnja e Hercegovina 2. Në përfundim të garës, vendi i parë i takoi përfaqësueses së Bosnja e Hercegovina 1, vendi i dytë Malit të Zi dhe vendi i tretë Shqipërisë 1. Vendit të parë i takoi shpërblimi prej 2000 eurosh, vendit të dytë shpërblimi prej 1000 eurosh, ndërsa vendit të tretë shpërblimi prej 500 eurosh.
Turneu u hap solemnisht nga nënkryetari i Komunës së Ulqinit, Mehmet Zenka, dhe kryetari i KK "Champion", Hysni Begu.
Në pjesën solemne morën pjesë SHKA "Ulqini" dhe "Shtoji", si dhe SHKA nga Tivari dhe Shkolla e Vallëzimit nga Tivari.
KK "Champion" falënderon për interesimin dhe mbështetjen e mbi 30 ndërmarrjeve nga Ulqini që me ndihmën e tyre bënë të mundur organizmin e këtij turneu, posaçërisht sponsorët e përgjithshëm Komunën e Ulqinit dhe Prva Banka CG.
Turneu I Ndërkombëtar në Karate "Champion Cup 2008" për nga numri i pjesëmarrësve, por sidomos niveli i organizimit ishte një spektakël i nivelit evropian.