Testim i përgatitjes teknike dhe taktike

PËRFAQËSUESJA E MALIT TË ZI ZHVILLOI NË ULQIN FAZËN E PARË TË PËRGATITJEVE PËR KAMPIONATIN BALLKANIK NË GJU GJU CU


Testim i përgatitjes teknike dhe taktike

Sipas trajnerit të Përfaqësueses së Malit të Zi, Agron Ujkashi, njëkohësisht trajner i Klubit të Gju Gju Cu-së "Albulena", i rizgjedhur në këtë post vetëm dy javë më parë nga Federata e Gju Gju Cu-së së Malit të Zi, këto përgatitje ishin në radhë të parë një sistem seminari duke qenë se nuk është punuar në përgatitjet e përgjithshme fizike, por në aspektin teknik dhe taktik.

Përfaqësuesja e Malit të Zi në Gju Gju Cu zhvilloi nga data 15-20 e këtij muaji në Ulqin fazën e parë të përgatitjeve për Kampionatin Ballkanik, i cili do të mbahet në muajin shtator në Novi Sad.
Rreth 65 garues i zhvilluan përgatitjet nën udhëheqjen e trajnerëve të Përfaqësueses së Malit të Zi, Sreten Kipa, Agron Ujkashi dhe Millosh Ashanin.
Në përgatitje ka marrë pjesë edhe trajneri i Përfaqësueses së Italisë dhe një garues i Përfaqësueses italiane.
Sipas trajnerit të Përfaqësueses së Malit të Zi, Agron Ujkashi, njëkohësisht trajner i Klubit të Gju Gju Cu-së "Albulena", i rizgjedhur në postin e trajnerit të Malit të Zi vetëm dy javë më parë nga Federata e Gju Gju Cu-së së Malit të Zi, këto përgatitje ishin në radhë të parë një sistem seminari duke qenë se nuk është punuar në përgatitjet e përgjithshme fizike, por në aspektin teknik dhe taktik.
Në mesin e garuesve të Malit të Zi në përgatitje kanë marrë pjesë 10 garues të Klubit të Gju Gju Cu-së "Albulena" të cilat do të mbrojnë ngjyrat e Malit të Zi në Kampionatin Ballkanik. Gjashtë prej tyre janë kampionë të Malit të Zi.