Historiku” nga hip-hop artisti VIAGRA

Një tjetër hip-hop artist ka pasuruar tregun muzikor kosovar me lansimin e albumit të tij. Është ky Orik Drançolli, i njohur në botën e show-bizit si Viagra. Albumi është titulluar “Historiku” dhe në realizimin e tij për sa i përket muzikës dhe orkestrimit të këngëve Viagra ka bashkëpunuar me Dardan Belegun. Tekstet e këngëve janë shkruar nga vetë artisti, ndërsa në albumin i cili është realizuar nga ‘BABA Records’ janë përfshirë edhe bashkëpunime me hip-hop artistë të tjerë, si Memli Krasniqi, njëherësh edhe deputet në parlamentin e Kosovës, dhe grupi Skillz. Bashkëpunimi i Viagrës me këta të fundit, kënga “Pimpex” tashmë është e njohur për audiencën shqiptare, meqë ishte pjesëmarrëse në edicionin e 5 të ‘Top Fest’, ku edhe u nderua me shpërblimin për këngën më të mirë në zhanrin hip-hop. Albumi “Historiku” është shoqëruar edhe me video-klipin “Deshu”, i realizuar nga produksioni kosovar Pixels.