Skillz me spot te ri "Uuu ça po shoh

Hip-hop grupi Skillz është duke realizuar video-klipin më të ri me titull “Uuu, ça po shoh”. Ndryshe nga video-klipi fitues i çmimit të madh në Video Festin Muzikor 2008 “Ah Femnat”, i realizuar nga produksioni i RTV 21, ky i fundit është duke u realizuar nga produksioni ABB. Regjinë e spotit do ta bëjë Burbuqe Berisha. Kënga “Uuu, ça po shoh” është kompozuar nga Bradh Latifi, ndërsa tekstin e kanë shkruar vetë anëtarët e grupit Skillz, Ledri dhe Visari. “Këtë verë nuk do të ketë album të ri nga Skillz”, ka deklaruar një nga anëtarët e grupit, Ledri. Ndërsa video-klipi do të jetë gati për dy javë.