Gazeta elektronike sportive: "FUTBOLLI

Messi rikthehet në ndeshjen kundër Santander

• Sulmuesi argjentinas Lionel Messi do të jetë pjesë e 18-shes që do të presë në shtëpi ekipin e Racing Santander gjatë të dielës, pas pesë javësh qëndrimi jashtë fushe për shkak të lëndimit.


Messi u lëndua në fitoren 3-0 të Barcelonës ndaj Valencias, më 15 dhjetor, ndërsa do të jetë në mesin e rezervave në ndeshjen e nesërme. Ai pritet të kyçet në pjesën e dytë me qëllim që të aktivizohet ca minuta që do t’i ndihmojnë të rikthejë formën e tij.
Në stol do të jetë edhe lojtari më i ri i Barcelonës, Jose Manuel Pinto, që do të zëvendësojë të riun Oier Olazabel si portier rezervë. Derisa edhe Deco pritet të jetë në stol, Ronaldinho do të vazhdojë të mungojë në ekip. Samuel Eto'o dhe Yaya Toure po ashtu nuk do të jenë pjesë e skuadrës, për shkak se do të luajnë në Kupën Afrikane të Kombeve.