Dy celularë ekologjikë nga Samsung

Prodhuesi i
dytë më i madh i telefonave celularë, Samsungu jugkorean, ka
paralajmëruar daljen në treg të dy pajisjeve të fundit të tij
telekomunikuese. E veçanta e këtyre dy modeleve është se, në mënyrë të
vet ‘kujdesen për mjedisin'.E para nga dy të
paralajmëruarat, pajisja me shenjën SGH-W510, është e veçantë për
faktin se shtëpiza e saj është e përpunuar tërësisht nga plastika e
cila është fituar nga përpunimi i misrit. Në të njëjtën kohë, pajisja
brenda shtëpizës së saj nuk përmban substanca të rrezikshme për mjedis
si merkurin, plumbin dhe kadmiumin.

Sa i përket detajeve teknike, në Samsung nuk kanë dashur të zbulojnë,
mirëpo nga fotografia është e qartë se pajisja do të përmbajë
fotoaparat me blic të integruar, ekran të gjerë dhe mundësi të pranimit
të sinjalit televiziv.

Celulari i dytë, modeli SGH-F268, është ‘i vetëdijesuar” ekologjikisht
sipas mënyrës se si mbushet. Pajisja përmban alarm të veçantë i cili
aktivizohet pasi që pajisja e mbushur i sugjeron pronarit të saj që ta
‘nxjerrë’ nga mbushja.

Samsung megjithatë ka publikuar disa detaje të këtij modeli – pajisja
përmban GSM, ekran prej 2.1 inçësh, kamerë dy megapikselëshe, player
multimedial, si dhe karakteristika tjera që janë tipike për këtë lloj
të pajisjeve.