Themeluesit e Skype tërheqin padinë kundër eBay

Themeluesit e Skype tërheqin padinë kundër eBay
Kompania eBay ka arritur marrëveshje me themeluesit e Skype, për shkak të padisë së cilëve ka ardhur deri tek problemi me shitjen e një pjese të këtij shërbimi për telefonim nëpërmes internetit një grupi investitorësh për dy miliardë dollarë.
Ebay ka njoftuar se marrëveshja është arritur Niklas Zennstrom dhe Janus Friis, pronarët e firmës Joltid Ltd. rreth të drejtave të kontestuara autoriale mbi softuerin.

Në fakt, ata kishin pohuar se kompania Skype po përdorte teknologjinë e tyre pa leje.

Padia është ngritur mu në kohën e shitjes së Skype tek një grup investitorësh, mirëpo eBay ka arritur që të zgjidh tërë këtë situatë duke i ofruar Zennstromit dhe Friisit 14 për qind të aksioneve në Skype.

Pas kësaj marrëveshje Zennstrom e Friis do të kanë 14, grupi i investitorëve 56 për qind të Skype, derisa eBay do të mbaj për vete 30 për qind të aksioneve. /Telegrafi/