Sa shpenzohet në reklama?

Sa shpenzohet në reklama?
Microsoft, Dell, Apple e RIM janë prodhuesit udhëheqës për shumat e parave të shpenzuara vjetore në reklamim.
Në faqet e internetit të CNN janë publikuar shumat të cilat kompanitë e mëdha në industrinë e teknologjisë së komunikimit dhe informimit shpenzojnë për të arritur deri tek zemrat (dhe kuletat) e blerësve të tyre. Katërshja udhëheqëse është Microsoft, Dell, Apple e RIM.

Sipas të dhënave të paraqitura, Apple deri në fund të vitit në reklamim do të shpenzojë gjithsej gjysmë miliardë dollarë. Një vit më parë shpenzimet për këtë qëllim kanë qenë 486 milionë, e në vitin 2007 ato kanë qenë 467 milionë dollarë.

Megjithatë, gjysmë miliardi i Apple nuk duket aq shumë nëse merren parasysh shpenzimet e prodhuesve konkurrentë. Këtë vit shpenzimet e Microsoft për reklamim do të janë 1.4 miliardë dollarë, derisa Dell në total do të shpenzojë 811 milionë. RIM gjithashtu është lartë në listë me 337 milionë dollarë.

Në pikëpamje të përqindjes nga fitimet e përgjithshme të kompanisë, Apple për të tetin vit me radhë zvogëlon përqindjen të cilën e ndan për reklama. Në vitin 2001 kompania ndante gati 5% nga fitimit e përgjithshme, e sot ajo përqindje është 1.37%. Nga të gjitha kompanitë e përmendura RIM nga përfitimet e përgjithshme ndan më së shumti, madje 3.6%. /Telegrafi/