Hapësira në YouTube në shitje

Hapësira në YouTube në shitje
Përfitimi me anë të këshillimeve se si të gjendesh në mes e pesë apo dhjetë rezultateve të para në Google është një biznes i praktikuar që moti. Tani kjo strategji ka kaluar edhe në shërbimet shoqërore, prandaj që sot do të ia filloj edhe në YouTube.
Shërbimi i Google për video ka mbi një miliard vizita brenda ditës. Kompania uSocial.net, e cila këtë vit është bërë e njohur për shitjen e adhuruesve në Facebook dhe njerëzit të cilët ndjekin përmbajtje të caktuara në shërbimin për mikro-blogje Twitter, tani u mundëson që të forcojnë praninë e tyre në YouTube duke vendosur video materialet e tyre para syve të dhjetëra mijëra njerëzve.

"Gjithmonë tentojmë të zgjerojmë operacionet tona në fushën e marketingut shoqëror, e YouTube është hapi logjik i radhës. Video marketingu është një medium shumë i fuqishëm, dhe një prej atyre që shumë njerëz do ta bënin me dëshirë", ka thënë udhëheqësi i uSocial, Leon Hill.

Problemi kryesor tek YouTube, thonë në uSocial, është se shumica e njerëzve me anë të rrugës së rëndomtë vështirë arrijnë të shfaqin video incizimet e tyre tek një numër më i madh prej dhjetëra mijëra njerëzve.

"Duke përdorë disa metoda të cilat i kemi zhvilluar, mundemi që një video krejtësisht të panjohur ta vendosim para syve edhe të miliona njerëzve, e kjo mund të nënkuptojë përfitim të madh për këdo në biznes. Madje, një video të caktuar mund t’ua servojmë grupeve të caktuara të interesit, me të cilën gjë shërbimi bëhet edhe më efektiv", ka shtuar Hill.

YouTube ende nuk kanë dhënë mendimin e vet për këtë lajm, edhe pse nga uSocial thonë se i kanë informuar.

Shërbimi bëhet aktiv sot, e uSocial tanimë ka filluar të pranojë porositë e para. /Telegrafi/