Blogu i njohur teknologjik shpërndante viruse

Blogu i njohur teknologjik shpërndante viruse
Se lëshimet e këtij lloji ju ndodhin edhe më të mirëve, dëshmon rasti i blogut teknologjik të njohur botërisht Gizmodo.com. Faqja e internetit qe një kohë vizitorëve të saj u ka shërbyer viruse.
“U kërkojmë falje të sinqerta vizitorëve, mirëpo gjatë një periudhe të caktuar në faqen tonë keni mundur të merrni një aplikacion dashakeq, dhe atë brenda reklamës së kompanisë Suzuki”, thuhet në njoftimin zyrtar të faqes.

Siç thekson Brian Lan, një prej redaktorëve të Gizmodos, aplikacionin dashakeq e ka vendosur ekipi i shitjes i blogut teknologjik, i cili në mënyrë perfide ka qenë i tradhtuar.

“Tani kjo gjë është zgjidhur, dhe sipas njohurive tona, vetëm një numër i vogël i përdoruesve ka arritur të sulmohet me këtë aplikacion nga faqja jonë”, ka shtuar Lan.

Ky nuk është rast i izoluar sepse kohë më parë një gjë e ngjashme i ka ndodhur edhe faqes së gazetës së njohur amerikane “New York Times”.

Një gjë që mund të sigurojmë vizitorët e portalit Telegrafi.com është se secili aplikacion kontrollohet mirë e mirë para se të vendoset brenda tij për të parandaluar viruset dhe sulmet e tjera të mundshme dashakeqe.

www.gizmodo.com