61 për qind e të rinjve vjedhin muzikë nga interneti

61 për qind e të rinjve vjedhin muzikë nga interneti
Studimi më i ri i shkencëtarëve britanikë ka shfaqur disa të dhëna bukur interesante si ajo që 61 për qind e të rinjve në mes moshave 14 e 24 shkarkojnë muzikë në formë të paligjshme nga interneti si dhe secili prej tyre mesatarisht shkarkon nga 8.000 këngë.
Studimi është kryer nga Universiteti Hertfordshire sipas kërkesës së UK Music, organizatës e cila përfaqëson muzikantët britanikë dhe industrinë muzikore britanike në përgjithësi. Grupi në shënjestër ka qenë ai me personat në mes moshave 14 e 24 vjeç, e për nevoja të studimit janë anketuar 1.808 veta.

Nga numri i përgjithshëm i të anketuarve, 61 për qind e tyre kanë pranuar se shfrytëzojnë mënyra të paligjshme për shkarkim të muzikës si rrjetet P2P (peer-to-peer) apo torrente, gjersa 83 për qind e tyre kanë pranuar se këtë e bëjnë në baza javore apo ditore.

Në të njëjtën kohë, të anketuarit të cilët merren me këtë aktivitet kanë pranuar se në mesatare posedojnë rreth 8.000 tituj muzikorë të shkarkuar nëpërmes këtyre kanaleve.