Ekrane ekonomike nga Philips

Ekrane ekonomike nga Philips
Nga kompania Philips vijnë ekranet kompjuterike të cilët kursejnë energjinë duke errësuar pamjen kur para tyre nuk gjendet askush.
Funksioni i cili para të tjerëve është parë tek ekranet e Eizos, në formë të ngjashme vjen edhe tek modelet e kompanisë Philips. Në vend që ekrani të shuhet në tërësi kur askush nuk gjendet para tij, ekranet e Philips zvogëlojnë ndriçimin e pamjes.

Ekrani i parë me këtë funksion (siç e quajnë në këtë kompani) PowerSensor nga linja Brilliance LCD do të vjen me diagonale prej 22 inçësh. Ekrani në formën “e errësuar” të punës zvogëlon deri në 50% shpenzimin, pohojnë në Philips. Ndjeshmëria mund të përcaktohet sipas dëshirës, derisa praninë e njerëzve e detekton në largësi prej 30 e 120 centimetra.

Nga specifikat tjera, veçohen rezolucioni prej 1.680 x 1.050 piksela, kontrasti pre 1.000:1 dhe koha e paraqitjes prej 5 milisekonda. Në tregun evropian ekrani vjen në muajin korrik me çmim prej 200 euro.