Stewart konfirmon bashkimit e “The Faces”

Stewart konfirmon bashkimit e “The Faces”
Rod Stewart ka konfirmuar se supergrupi i viteve 70-ta, “The Faces”, do të ribashkohen pas më shumë se 30 vite ndarje.
Më herët gjatë kësaj jave disa media raportuan se Stewart dhe anëtarët tjerë origjinal të bendit, Ronnie Wood, Ian McLagan dhe Kenney Jones, kanë rezervuar një provë të fshehtë gjatë javës së ardhshme (17 nëntor), për të parë nëse bendi ka gjithçka për tu nisur në turne në vitin e ardhshëm.

Problemet me përshtatjen e orarit në mes anëtarëve kanë prishur planet e mëhershme të rikthimit,por Stewart ka konfirmuar se këtë herë riformimi i bendit me siguri do të ndodhë.

“Po, do të kemi provën e parë gjatë të hënës. Do të jetë një turne në verën e ardhshme dhe mezi po pres. Do të jetë mrekulli”, ka thënë Stewart.

Bendi edhe më herët është ribashkuar, por vetëm për një koncert në vitin 2004. Bas-kitaristi i cili shoqëron Stewart në koncertet e tij, pritet ta zëvendësojë batistin e grupit, Ronnie 'Plonk' Lane, i cili vdiq në vitin 1997.