Elano i pakënaqur me qëndrimin në stol

Elano i pakënaqur me qëndrimin në stol
Mesfushori brazilian i Manchester Cityt, Elano, nuk mund ta kuptojë se pse është jashtë ekipit të parë nën drejtimin e trajnerit të ri, Mark Hughes.
“Kur luaj e di çfarë ai kërkon nga unë dhe kur e lëshoj fushën trajneri nuk më thotë asgjë. Kjo është e drejta e tij, ai është menaxher. E respektoj dhe do të vazhdoj të punoj, të vij në kohë dhe t’i kryej detyrat e mia ndaj klubit, por jam i zhgënjyer me moslojë”, ka thënë Elano.

“Nuk mund ta fshehë këtë para tifozëve dhe presidentit, i cili dëshiron ta bëjë këtë klub të madh. Mendoj se kam kualitete të luaj. E respektoj menaxherin shumë, por nuk mund të jem i kënaqur nëse nuk luaj”, ka shtuar braziliani.

Sipas mediave angleze, Elano është ndër disa lojtarë të cilët Hughes dëshiron t’i largojë nga përbërja. Për të interesim ka shprehur Interi.