City do t'i ofrojë 15 milionë funte Mourinhos?

City do t'i ofrojë 15 milionë funte Mourinhos?
Njoftohet se pronaret e rinj të Manchester Cityt kanë shënjestruar trajnerin e Interit, Jose Mourinho, si zëvendësuesin e mundshëm të trajnerit aktual, Mark Hughes.
Sipas “The Sun” pasanikët nga Abu Dhabi Group, janë të gatshëm t’i ofrojnë Mourinhos 18 milionë euro për sezon (15 milionë funte), duke e bërë kështu trajnerin më të paguar në ishull, kundrejt shtatë milionëve të më të paguarit të tanishëm, Luiz Felipe Scolari.

Trajneri i Manchester Cityt, Mark Hughes, nuk mund të arrijë atë që presin pronarët e klubit, derisa edhe Mourinho ka probleme të përshtatjes në Serie A.

Megjithatë, gazeta “The Sun” shpesh spekulon gjëra të pavërteta, ndërkohë që pritet ndonjë konfirmim nga të dyja anët. Një gjë është e sigurt, Mourinho nuk do të largohet nga Italia, së paku, deri në fund të këtij sezoni.