Wenger i krahason futbollistët me Obaman

Wenger i krahason futbollistët me Obaman
Trajneri i Arsenalit, Arsene Wenger, ka pohuar se do të aktivizojë futbollistët e rinj në ndeshjen e Kupës Carling kundër Wiganit.
Wenger një kohë të gjatë është duke i shfrytëzuar ndeshjet e Kupës për t’i promovuar futbollistët e rinj, të cilët rrallë kanë shans të luajnë në ekipin e parë të Arsenalit. Në rundin e kaluar të Kupës Carling të rinjtë shpërthyen duke mposhtur Sheffield United me rezultat 6-0.

“Do t’i shihni 90% të futbollistëve që luajtën kundër Sheffield United në rundin e kaluar. Ne nuk heqim dorë nga filozofia jonë, nuk do të ndryshojmë asgjë. Kjo është e rëndësishme për klubin”, ka thënë Wenger.

“Unë gjithmonë kam thënë se nuk duhet të shihet në pasosh, por në kualitetin e futbollistëve. Kur Anglia do të prodhojë kualitet, do të fus futbollistë anglez. Tash Anglia prodhon kualitet dhe shumë shpejt do ta shihni atë në ekipin e Arsenalit”, ka shtuar francezi.

“Unë besoj në krenarinë e sportit, nëse keni kualitet do të luani. Nëse është edhe djali im dhe nuk është aq i mirë, kurrë nuk do të luajë me Arsenalin. Gjithmonë kam luftuar për këtë. Merreni për shembull Barack Obaman në SHBA. Ky është një vend ku nëse keni kualitet mund të arrini shumë”, ka përfunduar Wegner