Nistelrooy mungon në ndeshjet më të vështira

Nistelrooy mungon në ndeshjet më të vështira
Skuadra e Real Madridit ka marrë një goditje të madhe pasi sulmuesi holandez, Ruud van Nistelrooy, do mungojë dy muaj pasi duhet t’i nënshtrohet ndërhyrjes kirurgjike për shkak të problemit me gjurin.
Nistelroy vuan nga ky lëndim qe shumë vite, që nga viti 2000 kur luante për PSV, ndërsa pas ekzaminimeve të djeshme, mjekët e skuadrës mbretërore kanë thënë se sulmuesi duhet t’i nënshtrohet operacionit, i cili do ta mbajë atë dy muaj jashtë fushe.

Ky është një lajm i pakëndshëm për Los Merengues, pasi që ai do të mungojë në ndeshjet më të vështira të Realit, ato kundër Valencias, Barcelonës, Sevillas dhe Villarrealit, si edhe në ndeshjet e Ligës së Kampionëve.