Flash disk për të vetëdijesuarit ndaj mjedisit

Si rrjedhë e trendit botëror në përkujdesje të mjedisit jetësor, kësaj rryme shpesh i bashkohen edhe prodhuesit e kompjuterëve si dhe ata të pajisjeve përcjellëse kompjuterike. Një prodhues tërësisht i panjohur për ne, ATP, ka paraqitur një flash disk i cili ‘përkujdeset’ për mjedisin.

Në të njëjtën kohë, prodhuesi pohon se kjo është pajisja e parë e këtij lloji e cila mund të kategorizohet si e ‘e gjelbër’, mirëpo këtë pohim do ta marrim me rezervë të madhe.

Sido që të jetë, ATP 8GB EarthDrive është i punuar nga plastika e ricikluar e cila mund të përpunohet sërish. Një pjesë e shitjes së secilit disk shkon në xhirollogarinë e shoqatës për mbrojtjen e pyjeve amerikane dhe këto janë në përgjithësi karakteristikat e kësaj pajisje.

Sa u përket anëve teknike, duhet theksuar se ka kapacitet prej 8 GB, është rezistent nga ujit, pluhurit dhe goditjeve, vjen më një varg softuerësh për mbrojtjen e të dhënave të ruajtura, derisa mund të blihet me çmim prej 47.99 dollarësh amerikanë.