Capello: Milani do ta fitojë Scudetton

Capello: Milani do ta fitojë Scudetton
Trajneri i kombëtares së Anglisë, Fabio Capello, e ka favorizuar Milanin si skuadra me mundësitë më të mëdha për ta fituar Scudetton e këtij viti, duke theksuar se Ronaldinho ka gjetur ambientin e përsosur pas largimit nga Barcelona.
Serie A e këtij viti pritet të jetë njëra nga më eksitueset në vitet e fundit me pesë skuadra të gatshme për ta fituar Scudetton, ndërsa Capello beson se Milani është favorit për ta fituat Ligën italiane.

“Ronaldinho e ka gjetur vendin e përsosur për t’u ringjallur. Këtë sezon Milani është i favorizuar për Scudetto. Fiorentina ende nuk është e gatshme, mirëpo ata janë skuadra që më intrigon më së shumti dhe mendoj se do të jenë shumë afër majës së tabelës”.

“Juve ka një baraspeshë të mirë, janë të fortë në të gjitha pozitat, ndërsa Poulsen është një shtesë e mirë. Totti ka të drejtë kur thotë se Roma ka nevojë për blerje të reja, Mutu do të kishte qenë perfekt”.

“Lojtari i cili mund të shpërthejë këtë sezon është Cassano, ndërsa Mourinhos duhet t’i japim kohë”, ka thënë ish-trajneri i top-skuadrave të Serie A, Milan, Roma dhe Juventus.