Barcelona dhe Reali në garë për Benzeman

Barcelona dhe Reali në garë për Benzeman
Barcelona shpreson se me një angazhim më të madh do të arrijë ta mposhtë Real Madridin në luftë për sulmuesin e Lyonit, Karin Benzema.
Sport shkruan se edhe pse Benzema në disa raste ka deklaruar se dëshiron që një ditë të luajë për Real Madridin, drejtori i Barcës, Txiki Begiristain, gjatë gjashtë muajve të kaluara ka pasur disa kontakte me agjentin e Benzemas, madje edhe kishte udhëtuar në Francë për takim.

Benzema dhe agjenti i tij kanë deklaruar tashmë se sulmuesi do të luajë për Lyonin edhe në sezonin e ardhshëm, por edhe krahas kësaj, tentimet e gjigantëve nuk ndalojnë.

Mediat spanjolle shkruajnë se ende ka gjasa që Ramon Calderon që në këtë periudhë të bëjë ofertë për Benzeman, pasi që tashmë e ka bërë të qartë se nuk do ta sjellë Cristiano Ronaldon në Bernabeu.