Atletico ka refuzuar 122 milionë euro

Atletico ka refuzuar 122 milionë euro
Atletico de Madrid ka refuzuar mundësinë për të shtuar në arkë 122 milionë euro për katër lojtarë, të cilët i ka mbajtur në skuadër, pas rikthimit të klubit në Ligën e Kampionëve.
Los Colchoneros kanë pasur një fushatë të suksesshme sezonin e kaluar dhe kjo ka qenë arsyeja që shumë skuadra të mëdha evropiane janë interesuar për shërbimet e lojtarëve të Atleticos.

Megjithatë hierarkia e drejtuesve të skuadrës nga kryeqyteti spanjoll është betuar se nuk do të lejojë largimin e asnjërit nga lojtarët e mëdhenj nga skuadra.

Atraksioni kryesor për skuadrat e mëdha ka qenë Sergio Aguero për të cilin janë interesuar Manchester Unitedi dhe Real Madridi. Pas deklaratës së tij se ai kurrë nuk do të kalonte te rivalët e kryeqytetit, kishte pranuar një ofertë prej 55 milionë eurosh nga Djajtë e Kuq.

Tottenhami ka qenë i gatshëm të paguajë 21 milionë euro për të fituar shërbimet e Diego Forlan, Inter dhe Fiorentina i kishin bërë gati paratë (22 milionë euro) për ta transferuar Maxin, ndërsa Chelsea e dëshironte në Londër portugezin Simao.