Van Der Vaart te Reali për 13 milionë euro

Van Der Vaart te Reali për 13 milionë euro
Sipas gazetës gjermane, "Bild", Real Madridi është shumë afër blerjes së mesfushorit të Hamburgut, Rafael Van der Vaart, pasi që Hamburgu dëshiron ta shesë atë për 13 milionë euro.
Plejmejkeri ka qenë në një formë të shkëlqyer gjatë Euro 2008, ndërsa për shërbimet e tija përveç Los Merengues është i interesuar edhe Juventusi.

Van der Vaart kurrë nuk e ka fshehur dëshirën e tij për të luajtur për një skuadër të madhe, ndërsa tani ambiciet e tija kanë arritur një mbështetje dhe nga skuadra e tij, e cila ka vendosur të mbajë takime me titullarët e La Ligas.

Sipas “Bild”, holandezi mund të kalojë në kryeqytetin spanjoll për 13 milionë euro.

“Mund të them që Rafael e ka kaluar kohën më të mirë të karrierës së tij këtu te ne, ndërsa nëse më pyetni mua unë dëshiroj ta mbaj edhe një vit”, ka thënë trajneri i Hamburgut, Martin Rol.

Reali dëshiron me çdo kusht ta transferojë një mesfushor, ndërsa Van der Vaart paraqet alternativën më të lirë dhe më të mirë, sesa Cristiano Ronaldo ose Cesc Fabregas.