Sastre falënderon ekipin për suksesin në Tour de France

Sastre falënderon ekipin për suksesin në Tour de France
Çiklisti spanjoll Carlos Sastre ka thënë sot se fitorja e tij po thuajse e sigurt, në Tour de France, i takon sa atij po aq edhe ekipit të tij CSC.
“Të jem i sinqertë, ky është rezultat i punës ekipore. Vëllezërit Schleck (Frank dhe Andy, pjesë e ekipit) kanë pranuar të sakrifikojnë shanset e tyre për mua. Ata më kanë ndihmuar me moral, ata më kanë ndihmuar që ëndrra ime të bëhet realitet”, ka thënë spanjolli pas xhiros së parafundit të kësaj gare çiklistike.

Me një diferencë prej 1 minute e 5 sekondash ndaj australianit Cadel Evans, vetëm ndonjë incident i madh do të mund ta ndalonte 33-vjeçarin nga triumfi në xhiron e nesërme të fundit të garës në Paris.

Sastre është zgjedhur lider i ekipit CSC pavarësisht pranisë në ekip edhe të dy favoritëve të tjerë, vëllezërve Schleck.

Në xhiron e parafundit (të 20-të), Sastre arriti në cak i 12-ti, derisa rivali kryesor për të fituar turneun, Evans, arriti i shtati, por me vetën 29 sekonda diferencë nga spanjolli.