Rossi nuk do të kalojë te Roma

Rossi nuk do të kalojë te Roma
Agjenti i Giuseppe Rossit, Federico Pastorello, ka mohuar spekulimet të cilat e lidhin klientin e tij me një transferim te Roma duke thënë se italiani është i lumtur te Villareal.
“Rossi nuk është në shitje dhe nuk ka absolutisht asnjë mundësi që ai të kthehet në Itali, pasi që drejtuesit e Villarealit kanë deklaruar se ai nuk shitet”.

“Rossi dëshiron të luajë në Ligën e Kampionëve me Villarealin dhe pastaj do të shohim se çka do të ndodhë në vitin e ardhshëm”, ka thënë Pastorello për “RomaNews”.

Roma ka nevojë që të sjellë në skuadër një golashënues të spikatur, mirëpo hezitimi i klubit për të shpenzuar para duket se e kufizon këtë mundësi.