Muntari në prag të kalimit në Inter

Muntari në prag të kalimit në Inter
Sulley Muntari ka konfirmuar se ai është shumë afër kalimit tek kampioni i Italisë, Interi, pasi që ka deklaruar se oferta e klubit italian nuk mund të hidhej poshtë.
Interi thuhet ka arritur marrëveshje me Portsmouth për të nënshkruar me Muntarin, pas dështimit të sigurojë shërbimet e mesfushorit Frank Lampard.

Muntari është mjaft i vlerësuar në Itali, pasi që shkëlqeu me Udinesen, para se të shitet tek Portsmouth për 7 milionë funte gjatë verës së kaluar.

“Ka shumë ekipe që vijnë tek ju, dhe duhet t’i dëgjoni. Harry (trajneri i Portsmouth) e ka ngritur lojën time, ai ka qenë si një baba për mua. E dua, po ashtu edhe tifozët e Portsmouth, por kur Inter ju kërkon duhet të dëgjoni”, ka thënë ganezi.

“Tashmë e kam humbur një rast të luaj për një super ekip (Manchester United) këtë herë duhet ta përmirësoj atë”, ka shtuar Muntari.