Kelmendi: Hip-hopi në toskërisht "s'po bojka"

Kelmendi: Hip-hopi në toskërisht "s'po bojka"
Gjatë një bisede për televizionin 'Rrokum TV', ish-lideri i grupit "Gjurmët", Migjen Kelmendi, ka thënë se ai është adhurues i muzikës hip-hop, sidomos asaj kosovare.
Kelmendi ka thënë se hip-hopi kosovar është mjaft i veçantë dhe tingëllon bukur sidomos në gegërisht, gjë që nuk ndodh në theksin toskë të gjuhës shqipe.

“Kto ditë jom knaq tu ndigju hip hop. Vërtet ka kong të bukra dhe disa videoklipe të mira të cilat mund t’i shihni në Rrokum TV”, ka thënë Migjeni, ideatori i këtij televizioni.

Me gjithë kërkesën e shumë teleshikuesve të këtij televizioni për largimin e videoklipit të Gilit, “Oh sa Budall”, Kelmendi ka arsyetuar vazhdimin e emetimit të tij duke thënë se kjo megjithatë është një këngë e bukur që shpreh realitetin që ndodh në Kosovë.

Kelmendi ka thënë se fjalët ‘budall’, ‘me kast’, janë fjalë që shumë përdoren në masën popullore, dhe përmes këtyre shprehjeve këngëtarët tentojnë të jenë sa më afër dëgjuesve.