Dashuritë e Elvanës

Dashuritë e Elvanës
Kush është dashuria e fundit? Po mashkulli më seksi? Pse e dëshiron një fustan të bardhë? Kush t’ia ketë dhuruar një buqetë gjigande me lule natyrale. Të gjitha këto dhe shumë të tjera Elvana Gjata i ka zbuluar për shtojcën e gazetës Koha Jonë, "Koha VIP".
Le ta nisim nga bukuria. Ti a ke ndonjë recetë sekrete?

Elvana: Atë që kanë të gjitha vajzat, të qenurit origjinale dhe e thjeshtë.

Cili është zakoni yt më i mirë?

Elvana: Bëj çmos që të mos vonohem kur lë ndonjë takim.

Po më i keqi?

Elvana: Që vonohem gjithmonë.

Pa cilin makiazh nuk mund të bësh dot?

Elvana: Pa rimelin.

Pa cilin aksesor nuk do të mund të rrije dot?

Elvana: Vathët më pëlqejnë shumë dhe janë aksesorët që përdor më shumë, pa harruar një orë që nuk e heq nga dora, pasi është dhuratë nga motra ime, e cila ndodhet larg.

Cilat janë ikonat e tua të modës?

Elvana: Versace, Chanel, Elie Saab etj.

Cila është modelja jote e preferuar?

Elvana: Janë dy , Naomi Campbell dhe Victoria Beckham.

Cila është këshilla më e mirë e modës që nuk e ke marrë kurrë?

Elvana: Tani që e mendoj asnjëherë s’më kanë thënë se të vishesh sipas qejfit tënd, dukesh më moderne…

Cila është fraza që të duket më e bezdisshmja për ta ripërsëritur?

Elvana: Të shtrihesh e vdekur për gjumë dhe të përsëritësh fjalën “ju lutem më mbuloni!” (qesh).

Nëse do të kishe qenë ngjyrë, cilën ngjyrë do të preferoje të ishe?

Elvana: E verdhë si flutura e majit.

Po nëse do të kishe qenë këngë?

Elvana: Do preferoja prapë të isha kënga e Florit.

Një gur i çmuar?

Elvana: Rubin.

Një stinë?

Elvana: Vera, jo vetëm se është e nxehtë, por edhe sepse është stina më e dashur për të gjithë.

Një pije?

Elvana: Verë e kuqe.

Një veshje?

Elvana: Një fustani mrekullueshëm nuseje, në mënyrë që të isha veshja më e rëndësishme në jetën e një vajze.

Një gjendje shpirtërore?

Elvana: Megjithëse zgjat shumë pak, do të doja të isha lumturi.

Një mbiemër?

Elvana: Gjata.

Cila është dita më e lumtur e jetës tënde?

Elvana: Kam pasur shumë momente të lumtura dhe nuk mund të veçoj ndonjë. Mund të them që kanë pasur lidhje me familjen time dhe me muzikën.

Cila është gjëja e parë që bën kur zgjohesh në mëngjes?

Elvana: Përkëdhel macen, që fle me mua. Pastaj rutinën e zakonshme, higjienën personale.

Çfarë ka gjithmonë mbi komodinën tënde?

Elvana: Është gjithmonë Bibla, një libër artistik dhe ndonjë ëmbëlsirë.

Cili është ushqimi yt i preferuar?

Elvana: Të them të drejtën, jam një hamëse e madhe, s’bëj naze për asgjë.

Cilat janë pushimet që do të të pëlqenin më shumë?

Elvana: Në një shtëpi në mal, në kohë dimri, me miqtë e mi më të mirë.

Cili është albumi i parë muzikor që ke dëgjuar?

Elvana: Albumi i sopranos Maria Callas, pasi motra ime studion për muzikë teatri dhe kur isha e vogël më pëlqente të dëgjoja çdo gjë që më sugjeronte ajo. Gjë që vazhdoj ta bëj akoma.

A ke frikë nga plakja?

Elvana: Tani për tani jo.

Mes gjithë dhuratave që të kanë bërë në gjithë këto kohë, cila është më e preferuara për ty?

Elvana: Një buqetë gjigande me lule të shumëllojshme natyrale.

Cili është shkrimtari yt i preferuar?

Elvana: Ka shumë, por tani mund të përmend Dino Buzzatin.

Cila është banda muzikore që pëlqen më shumë?

Elvana: Nrg band.

Po skuadra jote e zemrës cila është?

Elvana: Nuk më pëlqen shumë futbolli, por kur ka ndeshje bëj tifo për Kombëtaren tonë.

Cilat janë tre gjërat që ëndërron të bësh deri në fund të jetës?

Elvana: Të këndoj, të lexoj dhe pse jo të shikoj…

Nëse do të mund të ftoje për darkë ndonjë personazh, edhe ata të kohës së shkuar, kë do të zgjidhje?

Elvana: Një personazh nga tragjeditë e Shekspirit, Hamletin për shembull.

Nëse do të kishe mundësi për të jetuar në një kohë tjetër, cilën epokë do të zgjidhje?

Elvana: Periudhën e Rilindjes.

Kur të ka zënë qymyri për herë të parë?

Elvana: Herën e fundit.

Cili është mashkulli më seksi në botë për ty?

Elvana: Ai…

Cili është defekti më i shëmtuar për një mashkull sipas teje?

Elvana: Të merret me fjalë, defekt të cilin e kanë femrat