Ylker Baliu – këngëtari që po shndërrohet edhe në stilist

Ylker Baliu – këngëtari që po shndërrohet edhe në stilist
I përshkruar si talent që premton shumë, i cili për një kohë të shkurtër filloi të pushtonte zemrat e adhuruesve të muzikës si në vendlindjen e tij, Maqedoni, ashtu edhe në Shqipëri e Kosovë, këngëtari Ylker Baliu, në kohën e fundit sikur është zhdukur nga skena muzikore.
Megjithatë, Telegrafi ka rënë në gjurmët e tij, dhe ka zbuluar se, Ylkeri për momentin është duke e perfeksionuar edhe një profesion tjetër – styling-un.

Në vijim, nga një intervistë e shkurtër të realizuar me Ylkerin, do të mësoni më shumë, se ku është ai, me çfarë merret, dhe cilat janë planet e tij të mëtutjeshme.

Telegrafi: Ku është zhdukur Ylkeri në kohën e fundit dhe me çka merret?

Ylkeri: Po është e vërtetë – në kohën e fundit nuk kam qenë gjithaq prezent nëpër emisionet televizive dhe intervista, vetëm për faktin se jam i zënë me shkollim. Për momentin jam duke studiuar styling-un në Beograd.

Telegrafi: Ylkeri dhe muzika – ku takohen sot?

Ylkeri: Sa i përket anës muzikore, atë natyrisht nuk e kam harruar dhe sapo të kthehem në Maqedoni, do ta lansojë singlin tim të radhës, bashkë me video-klip, që do të jetë një pilot-këngë. Përkundër faktit që nuk kam shumë kohë t’i përkushtohem muzikës, këtë gjë dua ta realizojë, që t’ju tregojë njerëzve se nuk kam dhënë dorëheqje prej muzikës.

Telegrafi: Diçka rreth video-klipit dhe këngës – a do të jetë e ngjashme me hit-këngën tuaj “Ah sa kam gabu”, apo do të ketë ndonjë ndryshim të zhanrit?


Ylkeri: Video-klipi do të xhirohet në Beograd në bashkëpunim me kompaninë Fabrika Production, ndërsa kënga do të jetë sërish një baladë, e stilit - Ah sa kam gabu...

Telegrafi: Çka të shtyri të merresh edhe me profesionin e styling-ut?

Ylkeri: Një kohë të gjatë kam menduar të hapja sallonin tim në Maqedoni. Edhe pse kisha prirje për këtë profesion, primaren se kisha “shkollën” – ndërsa shumë e shumë njerëz më kanë kaluar nëpër duar, duke i rregulluar në mënyrë amatore – por çdoherë me sukses. Tashmë i shoh punët ndryshe, ngase kemi seminare e gjëra të tilla dhe shpresoj që, në një të ardhme do të bëhem stilist dhe fotograf i mirë – po këtë t’ia lëmë kohës, ndaj nuk dua të premtoj shumë.

Telegrafi: Çka konsideroni si sukses të deritashëm në karrierë?

Ylkeri: Jam shumë krenar që me pak punë kam arritur diçka. Pjesëmarrja ime në TOP-FEST dhe POLI-FEST ka qenë e paplanifikuar, ndërsa me idetë e motrës time kam shkuar dhe me sukses kam kaluar në te dy festivalet. Ka shumë këngëtar që kanë spote dhe albume, mirëpo që nuk mbulohen nga mediumet.
Unë i falënderohem zotit që më ka dhënë zërin, ndërsa motrës time për përkushtimin e saj – ngase pa ndihmën e saj sot nuk do të isha bërë këngëtar, e as nuk do të nisesha në rrugën e stilizimin. Pra i tërë suksesi im lidhet me mundin dhe angazhimin e motrës time.

Telegrafi: Diçka rreth planeve të mëtutjeshme?

Ylkeri: Planet e mia – si e para të kem shëndet dhe lumturi në jetë, e pastaj vijnë gjërat të tjera. Normal me punë dhe mund pas pak kohe do të kthehem në Maqedoni, ku do të angazhohem seriozisht në muzikës - siç e thash edhe më herët. Po ashtu do të vazhdojë edhe profesionin e ri të cilin e dua shumë – styling-un.