Lenovo paraqet laptopin e parë 16 inçësh

Deri në fillim të panairit të sivjetmë të elektronikës shpenzuese CES 2009 kanë mbetur diç më shumë se tri ditë, mirëpo prodhuesit në mbarë botën veçmë kanë filluar të shfaqin produktet me të cilët do të shndrisin në të. Ne do tu paraqesim disa risi nga punëtoritë e Lenovos.

Prodhuesi kinez Lenovo sigurt ka përgatitur një varg risish të cilat do t’ia paraqes publikut në panairin e sivjetmë CES 2009, i cili mbahet nga 8 deri më 11 janar në Las Vegas të Shteteve të Bashkuara të Amerikës. Tani kompania ka paraqitur tre laptopët në kuadër të serisë IdeaPad.

Laptopët e ri vijnë nën shenjën IdeaPad Y650 me ekran të diagonales 16 inçësh, modeli me shenjën Y550 me ekran të diagonales 15.6 inçësh dhe modeli Y450 i cili përmban ekran me diagonale e 14 inçësh. Të tri modelet nga pjesëtarët e mëhershme të kësaj serie dallojnë për faktin se në Lenovo kanë vendosur që formatin e ekranit me përmasat 16:10 ta kalojnë në atë 16:9.Laptopët e ri janë dukshëm më të lehtë sesa paraardhësit e tyre, kështu që modeli Y650 peshon 2.54, Y550 2.76, derisa modeli Y450 është më i lehti dhe peshon vetëm 2.08 kilogramë.

Në secilin nga laptopët e sapoparaqitur Lenovo ka integruar diskun e fortë me kapacitet prej 500 GB, opsionet për integrimin e playerit Blu-ray, deri në 8 GB maksimal të memories punuese, mundësinë e përzgjedhjes së harduerit grafik Nvidia apo Intel si dhe mundësinë e përzgjedhjes së njërit nga procesorët e serisë Intel Core 2 Duo.

Çmimi i laptopëve të rinj nga kompania Lenovo tani për tani mbetet i panjohur.