Fujitsu paraqiti laptopin me dy ekrane

Fujitsu paraqiti laptopin me dy ekrane
Kompania Fujitsu ka paraqitur laptopin i cili, pos ekranit standard prej 16 inç, ka edhe një ekran shtesë me diagonale prej 4 inç.
Vet laptopi, me emër të plotë Fujitsu Lifebook N7010 bie në klasën e lartë dhe ka procesor të integruar Core 2 Duo nga Intel i cili punon në taktin 2.26 GHz, ekranin 16-inç, deri në 4 GB RAM memorie, deri në 320 GB të diskut të fortë, kartelë grafike ATI HD 3470 dhe lexues Blu-ray.

Në të gjendet edhe kamera me rezolucion prej 1.3 megapiksela, lexuesi i kartelave SD, Bluetooth, WiFi, dalje HDMI dhe port eSATA.

Mirëpo, krejt kjo është jointeresante në krahasim me ekranin e vogël shtesë me rezolucion prej 480 x 272 i cili gjendet menjëherë mbi tastierë. Në të mund të gjenden tastet për nisje të shpejt të aplikacioneve, pllaka kontrolluese për materialet multimediale, shfletuesi i fotografive dhe shumë gjëra të tilla të ngjashme. Duket bukur interesant, edhe pse dorën në zemër nuk jemi të sigurt se sa krejt këto gjëra janë të dobishme.

www.fujitsu-siemens.com