Nexhipi trasferohet në skuadrën belge Lokeren

Javën e ardhshme Nderim Nexhipi do të firmos kontratë tre vjeçare me belgët e Lokerenit, njoftoi menaxheri Dragan Siljanovski.
Nderim Nexhipi, kapiteni dhe futbollisti më i mirë i skuadrës kampione të Maqedonisë, Rabotniçki Kometall, është lojtar i ri i skuadrës belge Lokeren. Një lajm të tillë e ka bërë të ditur menaxheri Dragan Siljanovski, i cili ka thënë se Nexhipi nga java e ardhshme do të firmos kontratë tre vjeçare me belgët e Lokerenit. Sipas menaxherit Siljanovski, është aritur një marëveshje me drejtuesit e Rabotniçkit, respektivisht me nënkryetarin Kosta Kostovski, me të cilin janë marrë vesh për transferimin e Nexhipit në Lokeren. Trajneri i skuadrës blege të Lokerenit, Xhorxh Lekens, ka qenë i mahnitur me atë që tregoi Nexhipi në ndeshjen finale kundër Milanos nga Kumanova.
"Pas negociatave me Kostovskin, trajneri Lekens ka folur edhe me Nexhipin, i cili gjatë këtyre ditëve ose më së shumti javën tjetër do të nënshkruaj kontratë tre vjeçare me 'Lokerenin', ka deklaruar menaxheri Siljanovski.
Ai gjithashtu ka lënë të hapur mundësinë që edhe mesfushori tjetër i "romantikëve", Ertan Demiri të kalojë tek kjo skuadër dhe se kjo cështje duhet të përfundojë javën e ardhshme.