Taekwondo: TË ShtunËn NË Karllovac U Organizua Garimi NdËrkombËtar "open Karllovac 20

Pesë medalje për tuzjanët dhe ulqinakët

Garuesit e ekipit të "Besës" fituan tri medalje: Vilson Lajçaj (juniorët, -68) u kurorëzua me medalje të argjendtë, ndërsa Robert Junçaj (seniorët, -67) dhe Nikollë Gojçaj (kadetët, -57) fituan medalje të bronzta.
Nga garuesit ulqinakë: Besnik Shata (juniorët, -51) fitoi medalje të argjendtë, kurse Artan Zenuni (juniorët, -68) të bronztë.
Në fundjavën e kaluar në palestrën sportive "Mlladost" në Karllovac-Kroaci u zhvillua turneu ndërkombëtar "Open Karllovac 2008". U paraqitën pjesëmarrës nga rreth 15 shtete (Italia, India, Iraku, Hungaria, Sllovenia, Mali i Zi etj) me rreth 500 garues në luftëra dhe forma (pumse) për të gjitha kategoritë (pionierë, kadetë, juniorë dhe seniorë). Në këto gara me traditë dyzetvjeçare, nga Mali i Zi morën pjesë 3 ekipe: "Montenegrostars", "Ulqini" dhe "Besa".
Kësaj here "Besa" në Karllovac u paraqit me 6 garues (Nua Rukaj, Vilson Lajçaj, Nikollë Gojçaj, Mario Gegaj, Nikë dhe Robert Junçaj). Tre prej tyre fituan medalje:
Vilson Lajçaj (juniorët, -68) u kurorëzua me medalje të argjendtë, ndërsa Robert Junçaj (seniorët, -67) dhe Nikollë Gojçaj (kadetët, -57) fituan medalje të bronzta. Garuesit e tjerë të klubit nga Tuzi nuk kapën medalje. Nua Rukaj u eliminua nga kundërshtari sllovak, ndërsa dyluftimi midis Mario Gegajt dhe kroatit u ndërpre pasi që trajneri Nikollë Gegaj kërkoi ndërprerjen e duelit, edhe pse Mario udhëhiqte me pikë.
"U detyrove ta ndërpres dyluftimin, pasi arbitri nuk u tregua i drejtë", u shpreh trajneri Gegaj.
Ndërkaq, nga garuesit ulqinakë në Karllovac u prezantuan katër (Arben Kollari, Artan Zenuni, Besnik Shata dhe Leonard Dobreci). Besnik Shata (juniorët, -51) fitoi medaljen e argjendtë dhe Artan Zenuni (juniorët, -68) të bronztën.
Me këtë rast drejtuesi i "Besës", Nikollë Gegaj falënderoi sponsorët për kontributin që dhanë për pjesëmarrjen e ekipit të tij dhe të tjerëve në këtë garim të rëndësishëm ndërkombëtar.

rr.d
KohaJavore