Një ekip kampionë dhe pesë ekipe të tjera nënkampionë të Malit të Zi nga Klubi i Kara

Një ekip kampionë dhe pesë ekipe të tjera nënkampionë të Malit të Zi nga Klubi i Karatesë “Ulqini”

REXHEP SHABA - KAMPION I MALIT TË ZI


Më 08 qershor 2008 në Podgoricë u mbajt Kampionati i Karatesë së Malit të Zi për fatosa, pionerë dhe shpresa në kata dhe luftëra ekipore.
Garuesit e Klubit të Karatesë “Ulqini” arritën të kurorëzohen më 20 medalje: 4 të arta dhe 16 të argjendta në disiplinat individuale dhe ekipore.

Rexhep Shaba u shpall kampion i Malit të Zi duke u kurorëzuar me medalje të artë në kata individuale. Ai mposhti shumë konkurrentë dhe me këtë tregoi se përgatitja e tij është në nivel shumë të lartë, për çka dëshmojnë edhe rezultatet e tij të njëpasnjëshme.

Nënkampione e Malit të Zi u shpall Edisa Shaba në kata individuale duke u kurorëzuar me medalje të argjendtë.

Ekipi i vajzave pioniere, në përbërje Jehona Musliq, Antigona Rama dhe Xhemale Elezi, u shpallën kampione të Malit të Zi në kata, duke u kurorëzuar me nga një medalje të artë.

Nënkampionë të Malit të Zi u shpallën dhe pesë ekipet të tjera nga Klubi i Karatesë “Ulqini”.
- Falë referimit jokorrekt të referëve disa nga këto ekipe u dëmtuan mjaft, por prapëseprapë ne arritëm të punojmë çdo herë në finale dhe kjo tregon mjaft se kush jemi. Ky është sukses mjaft i mirë për klubin tonë - shprehen të kënaqur trajnerët e klubit Naim Duraku, Kujtim Sukaliqi dhe Mirsad Nasradini.

Ekipet që u shpallën nënkampionë janë ekipi i fatosave në kata me garueset Erika dhe Alisa Muriq dhe Izabella Llukiq, ekipi i pionierëve të rinj në kata i përbërë nga Doriana Taipi, Xheneta Gjeka dhe Blendisa Osmani, ekipi i shpresave në kata në përbërje Petar Barlloviq, Diamant Rexha dhe Fatmir Kurmemi, ekipi i pionierëve në luftëra me garuesit Bujar Kovaçi, Albion Duraku dhe Lulzim Suma dhe ekipi i shpresave në luftëra i përbërë nga Petar Barlloviq, Diamant Rexha dhe Granit Rexha. Të gjithë këto garues të të pesë ekipeve u shpërblyen me nga një medalje të argjendtë.