Gjashtë medalje të argjendta

KLUBI I KARATESË "CHAMPION" MORI PJESË TË DIELËN NË KAMPIONATIN E MALIT TË ZI PËR PIONIERË DHE SHPRESA

Gjashtë medalje të argjendta

Nënkampionë të Malit të Zi u shpallën ekipi i përbërë nga Adonis Markashi, Edmond Mehmedi dhe Ardit Murati, si dhe ekipi i katave në përbërje Admir Sella, Elvir Deljanin dhe Goran Kilibarda.

Pas organizimit dhe përfaqësimit të suksesshëm në Turneun I Ndërkombëtare të Karatesë "Champion Cup 2008", Klubi i Karatesë "Champion" nga Ulqini mori pjesë të dielën në Kampionatin e Malit të Zi në Karate për pionierë dhe shpresa.
Tetë garuesit e "Champion" që morën pjesë në të arritën të fitojnë gjashtë medalje të argjendta. Kështu nënkampion i Malit të Zi u shpall ekipi i përbërë nga Adonis Markashi, Edmond Mehmedi dhe Ardit Murati. Ky i fundit zëvendësoi Genc Muratin, i cili për shkak të dëmtimit nuk mori pjesë në këtë garë.
Nënkampion i Malit të Zi u shpall edhe ekipi i katave në përbërje Admir Sella, Elvir Deljanin dhe Goran Kilibarda, të cilët si në çdo garë edhe në këtë kampionat dëshmuan talentin e tyre.
Trajnerët e KK "Champion", Lekë Markiqi dhe Nail Kurtoviqi shprehen të kënaqur me rezultatin e arritur në Kampionat duke marrë parasysh konkurrencën mjaft të madhe. Ata falënderojnë sponsorin e përgjithshëm "Prva Banka", që mundësoi pjesëmarrjen e këtij klubi në këtë garë.