Fejohet Nazi i “Aurorës”

Njëri nga anëtarët e grupit “Aurora”, Nazmi Sfishta, është fejuar këtyre ditëve me modelen Afërdita Pllana. Lajmin e ka konfirmuar vetë Nazi. Çifti ka kurorëzuar dashurinë me fejesë në fund të muajit të shkuar, ndërsa shkëmbyen unaza platini me nga shtatë gurë të çmueshëm. “Ceremonia e fejesës është zhvilluar sipas riteve tradicionale shqiptare”, ka deklaruar Nazi tutje. Ndryshe, Afërdita Pllana për opinionin njihet edhe si vajza protagoniste në video-klipin “Universal” të grupit “Aurora”. Tashmë çiftin e pret edhe një pushim, për të cilin dyshja ende nuk ka vendosur se ku do ta kalojë. Grupi “Aurora” ka shumë projekte të përfunduara, të cilat, sipas Nazit, do të publikohen edhe për dëgjuesit atëherë kur t’u vijë koha.