Murinjo i gatshëm t'i kthehet punës, por vetëm në një klub gjigant

Trajneri i njohur portugez, Hose Murinjo ka paralajmëruar se është në pritje të ftesës nga ndonjë klub i madh, në mënyrë që ta vazhdojë karrierën, të cilën e ndërpreu vitin e kaluar pas shkëputjes së kontratës me Çelzin. "Do të dëshiroja të punoja në Itali ose Spanjë", ka theksuar Murinjo.



Ai ka thënë se në Angli ka arritur një përvojë të madhe. "Duke marrë shembull trajnerin e madh italian, Marçelo Lipi, i cili ka fituar titullin e kampionit të botës, 2006 dhe unë po pres një ofertë të ndonjë klubi të madh, në mënyrë që t'i kthehem zanatit tim", ka theksuar Murinjo. Trajneri portugez ka shtuar se nuk e ka ndërmend të ec prapa, për të marrë drejtimin e ndonjë skuadre pa emër të madh. "Gjatë këtyre gjashtë muajve kam refuzuar rreth dhjetë oferta. Dua që të marrë drejtimin e një skuadre gjigante dhe jam në pritje të ofertës", ka përfunduar Murinjo.