Rajon....,,,

Maqedonasin protestojnë kundër ndryshimit të emrit

--------------------------------------------------------------------------------

Maqedonasin protestojnë kundër ndryshimit të emrit
Rreth 7.000 veta kanë protestuar të mërkurën në mbrëmje në Shkup kundër ndryshimit të emrit kushtetues të Republikës së Maqedonisë. Një grup protestuesish sulmuan sërish ambasadën greke, por ato menjëherë u shpërndanë nga policia.
Protestuesit porositën që Maqedonia menjëherë t’i ndërpres negociatat me Greqinë për çështjen e emrit i cili siç vlerësojnë ata nuk duhet të ndryshohet as për anëtarësimin e vendit në NATO dhe BE.

Pas protestës së qetë për mbrojtjen e emrit kushtetues, që u mbajt në sheshin e Shkupit me moton “Maqedoni, maqedonas, maqedonase, vetëm këtë e pranojmë”, një grup protestuesish u nis drejt ambasadës greke me ç’rast gjatë tentimit për ta sulmuar me gurë atë u përleshën me forcat policore. Të rinjtë demonstrues gjuanin me shishe dhe gurë drejt forcave policore, të cilat ishin të detyruara të përdorin dhunën ndaj turmës së mbledhur.

Protesta është organizuar nga një grup gazetarësh dhe studentësh të Shkupit, ndërsa ajo ka marrë mbështetjen edhe të partisë më të madhe në pushtet VMRO-DPMNE dhe disa partive të tjera.

Sipas organizatorëve kjo protestë ka për qëllim për të alarmuar qëndrimet e opinionit maqedonas për mosndryshimin e emrit kushtetues dhe kundër presioneve greke.