Shpërthim Në Një Depo Municioni në Shqiperi Gërdec – 4 Te vdekur & 200 Te plagosur

Një shpërthim ka ndodhur sot në fshatin Gërdec, në afërsi të Tiranës, në një fabrikë municionesh, si pasojë e të cilit ka shumë njerëz të plagosur, ndërsa ende nuk dihet nëse ka edhe viktima. Policia shqiptare ende nuk ka dhënë informacione të sakta për shpërthimin tronditës, por mediat shqiptare flasin për rreth 4 te vdekur dhe 200 të plagosur. Dhjetëra të plagosur vazhdojnë të mbërrijnë në Qendrën Universitare Nënë Tereza, si pasojë e shpërthimit në këtë depo municioni, që ndodhet rreth 20 kilometra larg Tiranës.

Të plagosurit paraqiten në gjendje të rëndë psikologjike sikundër edhe me shumë lëndime dhe djegie, por edhe dëmtim në shikim dhe dëgjim. Ndërkohë, forca të shumta të policisë dhe ushtrisë në këto momente po bëjnë evakuimin e banorëve në një zonë prej 7 km, nga vendi i ngjarjes, në Gërdec të Vorës.

Burime nga vendngjarja, thanë se si pasojë e shpërthimit shumë banesa dhe ndërtesa private janë dëmtuar rëndë.

Në vendngjarje aktualisht ndodhen drejtuesit më të lartë të Policisë së Shtetit, Ministrisë së Brendshme, Ministrisë së Mbrojtjes etj.