ABC sjell në kinema filmin “2012”

ABC sjell në kinema filmin “2012”
Kinemaja ABC të enjten, 12 nëntor, sjell në Prishtinë premierën e filmit “2012”, një film aksion me John Cusack dhe Amanda Peet në rolet kryesore.
Filmi i zhanrit aksion/aventurë/triller, i cili zgjat dy orë e 23 minuta, vjen si premierë në të njëjtën kohë me premierat tjera botërore të këtij filmi.

Ngjarja në film ka në qendër të vëmendjes një familje që niset për pushime në dhjetor të vitit 2012, koha kur përfundon kalendari i popullit të lashtë të Majave. Me dekada të tëra njerëzit kishin profetizuar që fundi i botës do të vinte kur të përfundonte kalendari i Majave.

Krahas Cusack dhe Peet në film luajnë edhe yjet si Chiwetel Ejiofor, Danny Glover, Thandie Newton, Oliver Platt dhe Woody Harrelson. Filmi është realizuar nën regji të Roland Emmerich./Telegrafi/