Portali IPKO.net me pamje të re

Portali IPKO.net me pamje të re
Kompania telekomunikuese IPKO të premten e ka lansuar portalin e saj argëtues www.ipko.net , me radhitje, ngjyra, shkronja, tituj dhe madhësi fotografish të rifreskuara tërësisht.
Portali i kompanisë IPKO tani vjen me një pamje shumë më elegante dhe më moderne, një karakteristikë kjo e kompanisë dinamike e cila ofron spektër të plotë të shërbimeve të telekomunikimit në Kosovë.

Portali ipko.net është një pikë informimi dhe argëtimi për të gjithë shqiptarët kudo në botë, e cila tani mban një dukje krejt tjetër nga ajo që jemi mësuar ta shohim. Në faqe janë shtuar edhe opsionet për shpërndarjen e lajmeve në rrjete të ndryshme sociale, bashkë me lidhjet për faqet më të vizituara lokale dhe ndërkombëtare, përfshirë edhe portalin tonë Telegrafi.com.

Për më shumë, në faqen e re duket se janë shtuar edhe lojëra shtesë në rubrikën “Games”, ndërsa në ballinë i është dhënë më shumë hapësirë edhe informatave rreth produkteve dhe shërbime të kompanisë IPKO. Duke parë disa nga reklamat të cilat janë bërë për këtë faqe IPKO ka arritur të kuptoj se qëllimi i kompanisë është që të pozicionojë faqen e saj si një pikë argëtimi, dhe një vend ku mund të informohesh për produktet dhe shërbimet e kompanisë në një mënyrë krejt të re, e cila është mjaft argëtuese. /Telegrafi/