Celulari i ri nga Samsung - S5560

Celulari i ri nga Samsung - S5560
Nëse ende nuk keni dëgjuar për Samsung S5560, kjo është për faktin se ende nuk është as model zyrtar. Megjithatë, kanë rrjedhur fotografitë dhe detajet e këtij modeli. Pos ekranit të ndjeshëm në prekje, modeli ka edhe Wi-Fi por jo edhe 3G.
Supozojmë se Samsung ka qenë i shtyrë të krijojë model me ekran të ndjeshëm në prekje, sepse kërkesa në treg për ta po bëhet çdo ditë e më e madhe, derisa Wi-Fi është në maje të listës së kërkesave të këtyre modeleve. Megjithatë, Samsung po ashtu ka integruar edhe fotoaparatin prej pesë megapikselash.

Kohëve të fundit, Samsung ka qenë i zënë duke publikuar modele të reja çdo muaj, por ky model nuk është një rast i tillë. Supozohet se ky model do të mund të del nëpër dyqane të shitjes në muajin nëntor, edhe pse në Francë tanimë është paraqitur në ofertën e disa dyqaneve online.

Samsung S5560 sipas formës së tij ngjan me modelet Jet e Corby. Ka ekran të ndjeshëm në prekje prej tre inçësh me rezolucion WQVGA, fotoaparat prej 5 megapiksela dhe blic LED, qasje për kartela micro SD dhe 3.5 milimetra për audio. Përkundër mungesës së mundësisë 3G, ky model mbështet Wi-Fi.

Me gjasë Samsung S5560 është përgjigje ndaj modelit Nokia 5530 XpressMusic, i cili ka dalë të jetë një telefon i mençur shumë i fuqishëm. Çmimi i deklaruar prej 300 euro është bukur i kripur për këtë model, por supozohet se së shpejti do të bie në 200 euro, që është i përshtatshëm për të.