Edhe një shfletues interneti për celularë

Edhe një shfletues interneti për celularë
Numri çdo ditë e më i madh i celularëve me mundësi të qasjes në përmbajtje të internetit siç edhe është mundur të pritet shtynë prodhuesit e softuerëve të paraqesin punimet e tyre të dedikuara për këto lloj pajisjesh. Kompania Skyfire paraqiti versionin përfundimtar të shfletuesit me emrin e saj.
Shfletuesi Skyfire ka qenë në dispozicion për disa muaj rresht tani, mirëpo vetëm tash është paraqitur në versionin përfundimtar të tij. Gjer tani versionin eksperimental e kanë shkarkuar afro një milion përdorues, mirëpo pas paraqitjes së versionit përfundimtar sigurisht që kjo shifër do të rritet dukshëm.

Skyfire është i dedikuar për përdoruesit të cilët në celularët e tyre kanë platformat Windows Mobile apo Symbian, e ajo që e dallon nga produktet konkurrente, siç është Opera Mini, është se ky shfletues i paraqet faqet e internetit ashtu siç janë, me mbështetje të plotë për Flash 10, Silverlight 2, Ajax apo JavaScript.