Për një muaj shiten dy milionë celularë LG Arena

Për një muaj shiten dy milionë celularë LG Arena
Edhe pse shumica e prodhuesve njoftojnë për rezultate të dobëta të shitjes, si edhe parashikimet nuk janë optimiste, lajm i mirë vjen nga LG. Kjo kompani ka njoftuar se brenda një muaji ka shitur dy milionë celularë të tipit KM900 Arena.
Për një periudhë shumë të shkurtë, nga mesi marsit deri më tani, Arena është bërë telefoni më i shitur celular i LG-së.

Deri më tani modeli më i shitur i kësaj kompanie ishte modeli Chocolate, i cili për tre muaj ka arritur të shitet në një milion kopje.