MacBook Pro në 2.66 GHz

MacBook Pro në 2.66 GHz
Risitë në mesin e laptopëve të kompanisë Apple e përfshijnë edhe MacBook Pro me 15 inç edhe procesorët më të shpejtë si dhe disku SSD më i madh.
Përveç desktopëve dhe serverëve, rinimi i ofertës së Apple ka përfshirë edhe laptopët nga seria MacBook Pro, prandaj tani e tutje MacBook Pro me ekran 15 inçësh vjen edhe me procesorin 2.66-gigahercësh si standard, që është një ndryshim i vogël me atë që ka qenë më herët – 2.53-gigaherc Core 2 Duo nga Intel. Për 300 dollarë shtesë (në SHBA) mund të merret edhe procesori prej 2.93 GHz i cili më herët nuk ka ekzistuar as si opsion.

Procesori më i dobët në MacBook Pro prej 15 inç është ai 2.4 GHz dhe nuk përmban mundësinë e shtimit.

Gjithashtu, laptopët 15 e 13 inç tani e kanë mundësinë e integrimit të disqeve SSD në 256 GB, derisa më herët kjo ka qenë e mundur vetëm në modelin prej 17 inç.

Çmimet e shtimit të këtyre disqeve, varësisht prej modelit, shkojnë prej 750 deri në 900 dollarë