Laptop për lojtarë të vërtetë

Laptop për lojtarë të vërtetë
Asus ka paraqitur një laptop me ekran të madh iS, i cili është i pajisur me të gjitha gjërat e nevojshme për një adhurues të vërtetë të lojërave.
Asus W90 ka ekran me diagonale prej 18.4 inç dhe rezolucion high definition (HD) prej 1.920 x 1.080 pikselash, që do të thotë se bukur vështirë mund ta quajmë laptop, sepse nevojitet çantë bukur e madhe për ta bartur atë rreth e rrotull pas vetes.

Nga specifikat tjera, në të gjendet procesori Intel Core 2 Duo T9600 i cili punon në 2.8 GHz, kartela grafike ATI Mobility Radeon HD 4870 X2, gjashtë gigabajt DDR2 RAM memorie dhe disku i fortë me kapacitet prej 320 GB i cili sillet në 7.200 RPM.

Çmimi është bukur i kripur: 2.200 dollarë amerikanë, por nëse lypni gjëra të mira, atëherë për to edhe duhet të paguhet.

www.asus.com