YouTube përshtat video shërbimin për konzolat e lojërave

YouTube përshtat video shërbimin për konzolat e lojërave
Nëse posedoni konzolë të lojërave PlayStation 3 apo Nintendo Wii, keni parasysh se Google ka vendosur të përshtat paraqitjen e video shërbimit të vet pikërisht për këto lloj pajisjesh, më saktësisht për televizorët në të cilët ato janë të lidhura.
Duke vizituar faqen e internetit www.youtube.com/TV nëpërmes PlayStation 3 apo Nintendos Wii u hapet një pamje e përshtatur pikërisht për pajisjet televizive. Përveç vet pamjes, faqja i është përshtatur edhe navigimit nëpërmes tele-pilotëve përkatës, derisa secilin nga video materialet është e mundur që të paraqiten në ekranin e plotë (full screen).

Kësaj faqe mund t’i qaset nga 22 shtete dhe ajo paraqitet në 12 gjuhë të botës. Adresës www.youtube.com/TV mund t’i qaseni edhe nëpërmes kompjuterëve, mirëpo nuk mund të shihni pamjen e përshtatur për konzolat e lojërave.

www.youtube.com/TV