Virusi sulmon sistemin kompjuterik të policisë bullgare

Virusi kompjuterik ka infektuar një pjesë të sistemit kompjuterik të policisë bullgare, ka lajmëruar sot ministri i Punëve të Brendshme të Bullgarisë, Mihail Mikov.

Sipas tij, siç raportojnë mediumet bullgare, probleme më të mëdha ka pasur gjatë ditës së djeshme, kur një pjesë e sistemit është dashur të shkyçet.

Virusi ka shkaktuar probleme në shërbimet për dhënien e pasaportave dhe policinë kufitare, ndërsa ministri Mikov shtoi se mënjanimi i problemit shkon ngadalë meqë është duke u kontrolluar çdo kompjuter një nga një.