Danimarka destinacioni i radhës për Berishën

Spekulimet e fundit e kanë lidhur transferimin mundshëm të Besart Berishës te skuadra daneze AC Horsens, me të cilën ka pasur një sukses të jashtëzakonshëm gjatë kohës kur ishte lojtar i Hamburgut.

Berisha sapo e ka përfunduar huazimin te ekipi norvegjez Rosenborg dhe sipas të gjitha gjasave do të luajë për Horsens, skuadër e cila e konsideron Berishën njeriun kryesor, i cili mund t’i ndihmojë të ngjitet në tabelë.

Lojtari i Kombëtares Shqiptare gjithë sezonin 2005/2006 ka luajtur për Horsens, ndërsa ishte i huazuar nga Hamburgu. Asokohe Berisha e përfundoi sezonin si golashënuesi më i mirë në ligë me njëmbëdhjetë gola të shënuar, kështu që fansat do ta mirëpresin kthimin e tij.